काठमाडौं । वाणिज्य बैंकहरूले साउनमा नौ अर्ब १७ करोड ६१ लाख रुपैयाँ नाफा आर्जन गरेका छन् । नेपाल राष्ट्र बैंकका अनुसार, गत वर्षको साउनको तुलनामा २० वाणिज्य बैंकको औसत नाफा ७.६४ प्रतिशत वृद्धि भएको हो ।

गत वर्षको साउनको तुलनामा यस वर्षको साउनमा कृषि विकास, नेपाल एसबीआई, प्रभु र सानिमा बैंकले नाफामा उलेख्य वृद्धि गरेका छन् । कृषि विकास र नेपाल एसबीआई बैंकले त १०० प्रतिशतभन्दा बढीले नाफा वृद्धि गरेका छन् ।

सातवटा बैंकको भने नाफा घटेको छ । यसरी नाफा घट्नेमा नेपाल, एनआईसी एसिया, नेपाल इन्भेस्टमेन्ट मेगा, राष्ट्रिय वाणिज्य, कुमारी, ग्लोबल आईएमई र हिमालयन बैंक छन् ।

सर्वाधिक नाफा घट्नेमा नेपाल बैंक छ । गत वर्षको साउनमा ३६ करोड चार लाख रुपैयाँ नाफा गरेको नेपाल बैंकले यस वर्षको साउनमा २२ करोड ३९ लाख रुपैयाँमात्र नाफा आर्जन गरेको छ ।

तर, यस वर्षको साउनमा सर्वाधिक नाफा ग्लोबल आईएमई बैंकले गरेको छ । यस बैंकको नाफा गत वर्षभन्दा घटेको भएपछि अन्य १९ वाणिज्य बैंकको भन्दा बढी भएको छ । यस बैंकले साउनमा ८९ करोड २४ लाख रुपैयाँ नाफा आर्जन गरेको छ ।

कुन बैंकको नाफा कति ?