काठमाडौं । धनुषामा रातु नदीको जलसतह शनिबार दिउँसो सतर्कता तहनजिक पुगेको छ । बीपी राजमार्ग जलमापन केन्द्रमा जलसतह सतर्कता तहनजिक रहेको जल तथा मौसम विज्ञान विभागले जानकारी गराएको छ ।

नदीमा पानीको बहाव बढ्दो क्रममा छ । नदीतटीय क्षेत्रमा आज साँझसम्म सतर्कता अपनाउन विभागले आग्रह गरेको छ ।

“भदौ २९, दिउँसो २ः२० बजे । धनुषा जिल्लास्थित रातो नदी, बीपी राजमार्ग जलमापन केन्द्रमा हालको जलसतह सतर्कता तहनजिक रहेको र बढ्दो क्रममा रहेकाले सो नदीतटीय क्षेत्र र डुबान भइरहने होचा भूभागहरूमा रहनुहुनेहरूले साँझसम्मै सतर्कता अपनाऔँ,” विभागको सूचनामा उल्लेख छ ।