काठमाडौं । राष्ट्रिय महिला लिग–२०२४ मा विभागीय टोली त्रिभुवन आर्मी क्लबले सुदूरपश्चिम प्रदेशविरुद्ध जारी लिगकै सबैभन्दा ठूलो जित निकालेको छ ।

मंगलबार सातदोबाटोस्थित एन्फा मुख्यालयमा भएको खेलमा आर्मीलाई जित दिलाउन दीपा शाहीले पाँच गोल गरिन् । अनिता लम्जेलले दुई गोल थप्दा विमला चौधरी, हिमा चौधरी, चन्द्रा भण्डारी, सन्जु कुमाल, विमला विक र सविता देवी मगरले समान एक गोल थपे । आर्मीले अर्को एक गोल भने सुदूरपश्चिमबाट आत्मघाती गोल उपहार पाएको थियो ।

सुदूरपश्चिमले पनि आर्मीकै एक खेलाडीबाट आत्मघाती गोल उपहार पाएको हो ।

खेलको पहिलो हाफमा आर्मीले आठ गोल र दोस्रो हाफमा ६ गोल थपेको हो । सुदूरपश्चिमले दोस्रो हाफमा आर्मीकी निलम सिंहबाट आत्मघाती गोल उपहार पाएको हो ।

यो जारी लिगकै सबैभन्दा ठूलो जित हो । जितसँगै तीन खेलबाट आर्मीले ६ अंक जोडेको छ । समान खेल खेल्दा पनि सुदूरपश्चिम तालिकाको पुछारमा छ ।