काठमाडौं । अनलाइन सपिङ प्ल्याटफर्म दराज नेपालले आफ्नो बहुप्रतीक्षित ९.९ वार्षिक उत्सव अभियान सार्वजनिक गरेको छ । यो कार्यक्रममार्फत उपभोक्ताले ६० प्रतिशतसम्मको फ्ल्यास सेल छुट, निःशुल्क डेलिभरी र एक करोड रुपैयाँबराबरको भौचर सुविधा प्राप्त गर्न सक्ने दराजले जनाएको छ ।

यही सेप्टेम्बर ९ देखि ११ (भदौ २४–२६) सम्म चल्ने यो अभियानमार्फत नेपाली उपभोक्तालाई किनमेलको रोमाञ्चक अनुभव प्रदान गर्ने लक्ष्य कम्पनीले लिएको छ ।

 ९.९ वार्षिक उत्सव अभियानको प्रमुख आकर्षणमध्ये एकका रूपमा खरिदकर्ताहरूले न्यूनतम मूल्य ४९९ बराबरका उत्पादनहरूको खरिद गर्दा छानिएका बिक्रेतामार्फत उपभोक्ताका घरको ढोकैसम्म निःशुल्क डेलिभरीको सुविधा प्राप्त गर्न सक्नेछन् । यसका लागि उपभोक्ताले दराज एपको होमपेजमा उपलब्ध ‘फ्री डेलिभरी’ ब्यानरमा क्लिक गरी ‘फ्री डेलिभरी’ भौचरहरू संकलन गर्न सक्नेछन् ।

साथै, दराजका खरिदकर्ताले अभियान अवधिभर दैनिक रूपमा फ्ल्यास सेलबाट सबैभन्दा कम मूल्यमा विभिन्न क्याटेगरी तथा सेटाफिल, बोट, एक्स–एज र पिलग्रिमलगायत साझेदार ब्रान्डमार्फत ६० प्रतिशतसम्म छुटमा विशेष अफरको मज्जा पनि लिन सक्नेछन् ।

यसैगरी, दराज एपमा दैनिक रूपमा अपडेट हुने फ्ल्यास सेल सेक्सनमार्फत खरिदकर्तालाई उत्पादनको खरिद गर्दा थप बचत गर्ने अवसर सदाझैँ कायम रहने पनि कम्पनीले जनाएको छ ।

कम्पनीका अनुसार, ९.९ वार्षिक सेल अभियान अत्यधिक छुट र बचतसँग मात्र सम्बन्धित नभई आफ्ना उपभोक्ता तथा बिक्रेता समेतलाई एक बेजोड अनलाइन किनमेल अनुभव प्रदान गर्ने माध्यम पनि हो ।