हिरा खोजे हिरा मिल्छ सुन खोजे सुन
खोचमा पनि जिन्दगीले शिखर चुम्न खोज्छ
देउताजस्तो मन मिल्ने साथी भए पुग्छ ।

पर जाँदा परै पुगोस् नजिक हुँदा साथमा
राम्रो गर्न साथ मिल्ने हात राखोस् माथमा
देउताजस्तो मन बुझ्ने साथी भए पुग्छ ।

आफू विष पिए पनि अमृत वचन बोल्ने
भेट हुँदा मनका सबै पीरव्यथा खोल्ने
देउताजस्तो मन बुझ्ने साथी भए पुग्छ ।

नपुग्दा’नि पुगेसरि हात माथि पार्ने
दुःख पर्दा आफैँलाई झैँ उसका आँसु झर्ने
देउताजस्तो मन बुझ्ने साथी भए पुग्छ ।

कहाँ हुन्न उतारचढाव कसलाई हुन्न पीर ?
पैतालामा खिल पर्दा बनोस् ऊ झीर
देउताजस्तो मन बुझ्ने साथी भए पुग्छ ।

कसको हुन्न दुनियाँमा आफ्नोआफ्नो कर्म ?
आफ्नो गरोस्, फुर्सदमा बुझ्ने होस् मर्म
देउताजस्तो मन बुझ्ने साथी भए पुग्छ ।

(अस्ट्रेलिया)