काठमाडौं । देशका विभिन्न ठाउँमा हल्कादेखि भारी वर्षा भइरहेको छ । वर्षाका कारण नदी तथा खोलाको बहाव बढेको छ । 

रुपन्देहीमा आइतबार बिहान भारी वर्षा भइरहेको जल तथा मौसम विज्ञान विभागले जनाएको छ । 

पछिल्लो तीन घण्टामा रुपन्देहीको भैरहवा र तिलोत्तमा वर्षामापन केन्द्र र आसपासमा भारी भएको छ । थप वर्षा हुन सक्ने सम्भावना रहेको विभागले जनाएको छ । रोहीनी नदी र तिनाउ नदीमा बहाव बढ्न सक्ने भएकाले सतर्कता अपनाउन अनुरोध गरेको छ ।