अस्ट्रलिया । अस्ट्रेलियामा नेपाली समाज बढ्दै गर्दा यहाँको केन्द्रीय राजनीतिमा समेत नेपालीको उपस्थिति बलियो हुँदै गएको छ ।  पछिल्ला दुइ केन्द्रीय निर्वाचनमा दुइ नेपाली युवाहरुले सत्ताधारी दल लेबर र प्रतिपक्ष लिबरलवाट सांसदको टिकटमा चुनाव लडे । 

प्रतिस्पर्धात्मक परिणाममा हार स्वीकारे पनि अस्ट्रेलियाका ठुला राजनीतिक दलले विस्तारै नेपाली समुदायका उमेदवारहरुलाई विभिन्न जिम्मेवारीमा अगाडि बढाएको देखिन्छ ।  यसैक्रममा आगामी महिना हुने स्थानिय निर्वाचनमा लेबर पार्टीले सिड्नीको बरउड क्षेत्रको काउन्सिलमा सुकृति भट्टलाई उमेदवारको रुपमा अगाडि बढाएको छ । 

सत्ताधारी दल लेबरवाट मेयर जोन फेकरको नेतृत्वमा सुकृतिले काउन्सिलरको उमेदवारको टिकट प्राप्त गरेकी हुन् । 

एनआरएन अस्ट्रेलियामा समेत लामो अनुभव संगालेकी  सुकृति लामो समयदेखि अस्ट्रेलियामा बसेर सामाजिक कार्यमा संलग्न रहँदै आएकी छन् । 

आगामी १४ सेप्टेम्बरका न्यु साउथवेल्स राज्यमा स्थानीय निर्वाचन सम्पन्न हुँदैछ । "यो मेरो लागि मात्र नभइ हाम्रो समुदायको लागि पनि गौरवको कुरा हो," सुकृतिले उमेदवार  घोषणा कार्यक्रममा बताइन् । 

नेपालबाट अस्ट्रेलिया आएर बसिसकेपछि अब हामीले नेपालको राजनीति होइन यहाँको राजनीतिमा संलग्न हुनु पर्दछ भन्ने पुरानै मान्यता हो त्यसैले पनि म यस पटक स्थानीय राजनीतिमा उमेदवार बनेको बताइन् ।

लेबवरको पकड भएको यस क्षेत्रमा सुकृतिकाे  उमेदवारीलाई महत्वको विषयका रुपमा हेरिएको  सिड्नीका कानुन व्यवसायी  शमशेरसिंह थापाले बताए । कार्यक्रममा सांसद सेल्ली सीटौ , ज्यासोन लीलगायतले अस्ट्रेलियाको राजनीतिमा बहुसांस्कृतिक  समुदायको महत्वपूर्ण भूमिका रहेको बताए ।