काठमाडौं । ज्यानु–वसन्तराज मिश्र फाउन्डेसनले तीन विधामा पुरस्कार प्रदान गरेको छ । फाउन्डेसनले बिहीबार काठमाडौंमा आयोजना गरेको विशेष समारोहमा वातावरण संरक्षण, शिक्षा र पत्रकारिता विधामा पुरस्कार प्रदान गरेको हो ।

फाउन्डेसनले सुरज कुँवरलाई पर्यटन पत्रकारिता पुरस्कार, लोकराज मिश्र वातावरण संरक्षण पुरस्कारबाट 'एन्टी पोचिङ युनिट' चितवन राष्ट्रिय निकुञ्ज कसरालाई र दुर्गादेवी मिश्र शिक्षा पुरस्कार बाघखोर अमलटारी नवलपरासीस्थित दुर्गा भवानी प्राथमिक विद्यालयलाई प्रदान गरेको हो ।

पुरस्कृत व्यक्ति तथा संस्थालाई जनही तीन लाख रुपैयाँ र सम्मानपत्र प्रदान गरिएको थियो ।

०७८ मंसिर २४ गते स्थापना भएको फाउन्डेसनको संस्थापक अध्यक्ष वसन्तराज मिश्र र संस्थापक ज्यानू मिश्र छन् । पूर्वप्रधानन्यायाधीश कल्याण श्रेष्ठ विशेष सल्लाहकार छन् ।

संस्थाका ट्रस्टिजमा मनदेवी भण्डारी, क्याप्टेन रामेश्वर थापा, आर्टिटेक्ट अरूण पन्त, पत्रकार प्रतीक प्रधान, मधु आचार्य, पियुष मिश्र, ब्रजेश मिश्र तथा रीता जे प्रधान छन् । संस्थाको सचिव राजेन्द्रकुमार महर्जन छन् ।