काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले बैंकहरूमा लगानी गर्नेले अरू व्यवसाय गर्न नपाउने व्यवस्था गर्न नहुने बताएका छन् । शुक्रबार नेपाल उद्योग तथा व्यवसायी महासंघले आयोजना गरेको ‘समृद्ध अर्थतन्त्र निर्माणको आधार : सवल निजी क्षेत्र र बलियो पूर्वाधार’ विषयक कार्यक्रममा अध्यक्ष ढकालले यस्तो बताएका हुन् ।
 
बाफियामा गरिएको यो व्यवस्थाले आर्थिक गतिविधिमा नै प्रभाव पार्ने ढकालको भनाइ छ । अहिले सरकारले व्यवसाय गर्न सकारात्मक माहोल बनाउन थालेको उनले बताए ।

सरकारसँग हातेमालो गरेर आर्थिक समृद्धिमा सहभागी हुने बताएका उनले नेपालमा लगानी बढाउने सबै दलको साझा धारणा रहेको स्मरण गराए ।