काठमाडौं । ग्लोकलद्वारा आयोजित गोल्छा ग्रुपको प्रस्तुती ग्लोकल टिन हिरो २०२४ का अन्तिम ६ प्रतिस्पर्धीको नाम घोषणा भएको छ । देशभरका किशोरकिशोरीहरूबाट कुल ७०९ आवेदन आएकोमा अन्तिम ६ प्रतिस्पर्धीको नाम घोषणा गरेको हो ।

आशिष पन्थी, घनश्याम विश्वकर्मा, निश्चल भट्टराई, पूर्णिमा तिम्सिना, सजनी शर्मा, र श्रीजय सुवेदी छनोट भएका हुन् ।

किशोरकिशोरीहरूमा भएको प्रेरणा र उत्साहलाई प्रस्फुटन गरी उनीहरूले समाजमा गरेको प्रभावकारी कार्यलाई कदर गरी अरु माझ चिनाउने कार्यक्रम ग्लोकल टिन हिरो नेपालको यो दसौँ संस्करण रहेको ग्रुपले जनाएको छ । हरेक वर्षझैँ यस वर्ष पनि सेप्टेम्बर १, २०२४ मा अवार्ड कार्यक्रम र सम्मेलनमार्फत गोल्छा ग्रुपद्वारा प्रस्तुत ग्लोकल टिन हिरो नेपाल विजेताको नाम घोषणा गरिने ग्रुपले जनाएको छ ।

शिक्षा, उद्यमशीलता, कूटनीति, एवम अन्य विविध क्षेत्रका व्यक्तित्वहरुको उपस्थितिमा गोल्छा ग्रुपद्वारा प्रस्तुत ग्लोकल टिन हिरोे नेपाल अवार्ड कार्यक्रम सेप्टेम्बर १, २०२४ मा सोल्टी होटेल काठमाडौंमा सञ्चालन गरिनेछ ।