काठमाडौं । एमजी मोटर इन्डियाको लोकप्रिय एसयूभी एमजी हेक्टरले भारतमा आफ्नो पाँचौँ वार्षिकोत्सवमा महत्त्वपूर्ण उपलब्धि हासिल गरेको बताएको छ ।

माउन्टेन गोटसँगको सहकार्यमा एमजी हेक्टरले भारत बुक अफ रेकर्ड्समा ‘सबैभन्दा कम उचाईबाट सबैभन्दा उच्च उचाईसम्मको सडक यात्रा’ शीर्षकमा प्रतिष्ठित उपाधि जितेको बताएको हो ।

गत जुलाई २७ को दिउँसो १ः३० मा केरलाको कुट्टानाडबाट ३० जुलाईको बिहान ८ः२८ मा लद्दाखको उम्लिंग लामा पुगेर यात्रा सम्पन्न भएको कम्पनीले जनाएको छ ।

३,८४६ किलोमिटरको यात्रा ६६ घण्टा ५८ मिनेटमा सम्पन्न भएको एमजीले जनाएको छ ।

यो उपलब्धि हासिल गर्ने सबैभन्दा तीव्र एसयूभी एमजी हेक्टर बनेको कम्पनीको दाबी छ ।

सुरुवाती वर्षमै २५ हजार युनिट बिक्रीको आँकडा पार गरेको गाडीले ५० हजार औँ आंकडा पार गरिसकेको जनाएको छ ।