site stats
बाह्रखरी :: Baahrakhari
कला
Global Ime bankGlobal Ime bank
सकियो दयाहाङको ‘कार्साङ’को छायांकन 

काठमाडौं । चलचित्र ‘कार्साङ’को छायांकन सकिएको छ । यम शेर्पाको निर्देशनमा निर्माण भएको चलचित्रको छायांकन २२ दिनमा सकिएको हो ।

सिन्धुपाल्चोकको बाह्रबिसे नगरपालिका, भोटेकोसी गाउँपालिका क्षेत्रमा छायांकन गरिएको निर्माणपक्षले जानकारी दिएको छ ।

कलाकारहरूको बलियो लाइनअप रहेको चलचित्र ‘कार्साङ’लाई यार्सा फिल्मस् र पुरुषोत्तम प्रधान फिल्मसको प्रस्तुतिमा निर्माण गरिएको हो ।

चलचित्रमा दयाहाङ राई, सिर्जना निङ्लेखु, जितु नेपाल, दीया मास्के, बुद्धि तामाङ, प्रेम लोप्चन, डोमा ह्योल्मो, सृष्टि गौतम, छोकी शेर्पा, सुरवीर पण्डित, कर्मा शेर्पाको अभिनय रहनेछ ।   

सामाजिक कथावस्तुमा निर्माण भइरहेको चलचित्रमा निर्देशक शेर्पा स्वयंको कथा, पटकथा तथा संवाद छ । यसअघि थुप्रै सर्ट फिल्म निर्देशन गरिसकेका शेर्पाको यो डेब्यु निर्देशकीय फिल्म हो ।

चलचित्रको निर्माता पुरूषोत्तम प्रधान हुन् । चलचित्रमा उनकै डीओपी रहेको छ । ‘कार्साङ’ प्रदर्शन मिति भने तय गरिएको छैन । 
 

प्रकाशित मिति: मंगलबार, भदौ ४, २०८१  १३:५७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro