काठमाडौं । संघीय संसद्काे दुई संयुक्त समितिको सभापतिका लागि उमेदवारी दर्ता भएको छ । राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिको सभापतिमा नेकपा (एमाले)का सांसद ठाकुर गैरेको उमेदवारी परेको छ । 

त्यस्तै, संसदीय सुनुवाइ समितिमा कांग्रेसकी ईश्वरीदेवी न्यौपानेको उमेदवारी परेको हो । दुवै समितिको बैठक बिहीबार दिउँसो ३ बजेका लागि बोलाइएको छ । बैठकको कार्यसूची सभापति निर्वाचनको छ ।