काठमाडौं । राष्ट्रिय स्वतन्त्र पार्टी (रास्वपा)का तत्कालीन महामन्त्री मुकुल ढकालले षडयन्त्र र जालझेलविरुद्ध एक हुने कि विजयोत्सवमा मात्र सामेल हुने भन्दै प्रश्न गरेका छन् । 

सामाजिक सञ्जाल एक्समा रास्वपाका नेता तथा कार्यकर्तातर्फ लक्षित गर्दै उनले षडयन्त्र र जालझेल चिर्दै गन्तव्यतर्फका पाइला सँगै अघि बढाउने कि विजय उत्सवमा मात्रै सहभागी हुने भन्दै प्रश्न गरेका हुन् । उनले एउटा देशभक्त अघि बढ्न खोज्दा एक्लै हुने गरेको र जाने र नजानेर थुप्रैले उसको विरोध गर्ने गरेको उल्लेख गरेका छन् ।
 
“एउटा देशभक्त जब देशका लागि लड्न थाल्छ, त्यतिबेला ऊ एक्लो हुन्छ । एक्लो भए ही न ऊ निडर हुन्छ, अनि अटल रही आफ्ना पाइलाहरू गन्तव्यतर्फ अघि सार्छ,” ढकालले लेखेका छन्, “त्यतिबेला उसका विरोधमा जानेर, नजानेर सारा सागर उसको विरूद्धमा पल्टिन थाल्छ, । तर जब ऊ सफल हुन्छ, जस्तै काँतर पनि विजय उत्सवमा सामेल हुन्छन् ।” 

उनले रास्वपाका नेता कार्यकर्तालाई संबोधन नगरी विजयोत्सवमा मात्र सामेल हुने कि षडयन्त्र र जालझेल चिर्न पनि एक हुने भन्दै प्रश्न गरेका छन् । “अब प्रश्न तपाईंसँग, सिधा विजय उत्सवमा सामेल हुने वा षड्यन्त्र र जालझेललाई चिर्दै गन्तव्यतर्फ आफ्ना पाइलाहरू सँगै अघि बढाउने ?,” मुकुलले भनेका छन् ।