पेरिस । पेरिस ओलम्पिकमा शनिबारसम्म चीन ३९ स्वर्ण, २७ रजत र २४ कांस्य जित्दै ९० पदकसहित अंकतालिकामा शीर्ष स्थानमा छ । अमेरिका, अस्ट्रेलिया, जापान, फ्रान्स, बेलायत, दक्षिण कोरिया, नेदरल्याड्स, जर्मनी र इटाली क्रमशः शीर्ष १० स्थानमा छन् ।

दोस्रो स्थानको अमेरिकाले ३८ स्वर्ण, ४२ रजत र ४२ कांस्यसहित कुल १२२ पदक जितेको छ । अस्ट्रेलियाले १८ स्वर्ण, १८ रजत र १४ कांस्यसहित कुल ५० पदक जित्दै अहिलेसम्म तेस्रो स्थान हासिल गरेको छ ।

यस्तै, चौथो स्थानको जापानले १८ स्वर्ण, १२ रजत र १३ कांस्यसहित ४३ पदक जितेको छ । पाँचौँ स्थानको फ्रान्सले १६ स्वर्ण, २४ रजत र २२ कास्यसहित कुल ६२ पदक जितेको छ ।

पदक तालिकामा छैटौँ स्थानमा रहेको बेलायतले १४ स्वर्ण, २२ रजत र २७ कांस्यसहित कुल ६३ पदक जितेको छ । दक्षिण कोरिया १३ स्वर्ण, आठ रजत र नौ कास्यसहित ३० पदक जित्दै सातौँ स्थानमा रहन सफल भएको छ ।

आठौँ स्थानको नेदरल्यान्ड्सले १३ स्वर्ण, सात रजत र १२ कास्यसहित कुल ३२ पदक जितेको छ । १२ स्वर्ण, ११ रजत र आठ कास्यसहित कुल ३१ पदक जित्दै जर्मनी नवौँ स्थानमा छ । इटाली ११ स्वर्ण, १३ रजत र १५ कास्यसहित कुल ३९ पदक जितेर शीर्ष १० मध्ये अन्तिम स्थानमा छ । रासस/एएफपी