काठमाडौं । भारतले बंगलादेशका आन्दोलनकारीहरूले अल्पसंख्यक र हिन्दु मन्दिरलाई निसाना बनाएको भन्दै चिन्ता व्यक्त गरेको छ ।

भारतका विदेशमन्त्री एस जयशंकरले मंगलबार बंगलादेशको पछिल्लो अवस्थाबारे राज्यसभामा बोल्ने क्रममा भने, “हामी बंगलादेशमा अल्पसंख्यकहरूमाथि नजर राखिरहेका छौँ । भारतसँगको सीमामा थप सतर्कता अपनाइएको छ ।”

उनले बंगलादेशका विभिन्न क्षेत्रमा करिब १९ लाख भारतीय बसोबास गरिरहेको जानकारी राज्यसभालाई दिए । तर, तीमध्ये १० लाख जना गत जुलाई महिनामा नै भारत आएको उनले बताए । अधिकांश भारतीय विद्यार्थी अहिले बंगलादेशमा रहेको उनले जनाए ।

“अगस्ट ५ मा शेख हसिनाले राजीनामा दिने निर्णय गरिन् । उनले छोटो समयमै भारतमा उडान गर्ने अनुमति मागिन् । उनी हिजो (सोमबार) साँझ दिल्ली आइपुगेकी छन्,” जयशंकरले बताए । 

उनले गत जनवरीमा भएको आम निर्वाचनलगत्तै बंगलादेशमा विरोध सुरु भएको बताए ।