काठमाडौं । पेरिस ओलम्पिक–२०२४ अन्तर्गत पुरुष फुटबलको स्वर्णपदकका निम्ति घरेलु टिम फ्रान्स र स्पेन भिड्ने भएका छन् । फ्रान्सले सोमबार राति इजिप्टविरुद्ध ३–१ को सहज जित निकालेसँगै स्पेनलाई फाइनल प्रतिद्वन्द्वीका रूपमा पाएको हो ।

खेलमा अग्रता भने इजिप्टले बनाएको थियो । ६२औँ मिनेटा मोहमौद सबेरले गोल गर्दै इजिप्टलाई अग्रता दिलाएका थिए । ८३औँ मिनेटमा जेन फिलिपे मटेटाको गोलमा फ्रान्स खेलमा फर्कियो ।

निर्धारित समय १–१ को बराबरीमा सकियो । त्यसपछि खेल अतिरिक्त समयमा धकेलिएको थियो । ९९औँ मिनेटमा मटेटाले नै गोल गरेपछि फ्रान्सले २–१ को अग्रता बनाएको थियो । १०८औँ मिनेटमा माइकल ओलिसेले गोल गर्दै फ्रान्सको अग्रतामा ३–१ मा पुर्‍याएका थिए ।

खेलको ९२औँ मिनेटमा ओमर फायेदले रातो कार्डको दर्शन गरेपछि इजिप्ट १० खेलाडीमा समेटिएको थियो ।

पहिलो सेमिफाइनलमा मोरोक्कोलाई २–१ ले हराउँदै स्पेनले फाइनल यात्रा तय गरिसकेको छ । स्पेन र फ्रान्सबीचको फाइनल खेल अगस्ट ९ मा हुनेछ ।