काठमाडौं । ललितपुरको च्यासलस्थित नेकपा (एमाले)को पार्टी कार्यालय अझै पूर्ण रूपमा ओभाएको छैन । वर्षासँगै गएको बुधबार राति मनोहरा खोलामा आएको बाढी कार्यालयमा पसेको थियो ।

कार्यालय डुबानका कारण यही साउन १७ गते एमालेको सचिवालय बैठक काठमाडौंको हनुमानथानस्थित बसेरा होटेलमा राखिएको थियो । उक्त बैठकबाट मनोनीत उपाध्यक्ष गुरु बरालसहित १७ केन्द्रीय सदस्यको शपथग्रहण कार्यक्रम भने आइतबार पार्टी कार्यालयमा नै आयोजना गरियो ।

त्यहाँ पुग्दा पार्टी कार्यालयको भित्री भागमा अझै हिलो देखियो । केही किताब भिजेको कार्यालयका कर्मचारीले बताए । हिलोका कारण व्यवस्थापन पहिलेजस्तो बनाउन नसकिएको उनीहरूको भनाइ छ ।

पानी पसेको कोठामा सामान छरपस्ट देखिन्छ । त्यहीँ एउटा कोठाभित्र काठको र्‍याकमाथि जननेता मदन भण्डारीको पूर्णकदको सालिक राखिएको छ ।

पार्टी कार्यालयभित्र देखिएको केही दृश्य हेर्नोस्–