काठमाडौं । प्रभु बैंक लिमिटेडले सोमबार (हिजो) बागलुङमा चार शाखा कार्यालय विस्तार गरेको छ । बागलुङको ढोरपाटन नगरपालिका–७ को बोवाङ, निसीखोला गाउँपालिका–५ स्थित निसी, बडिगाड गाउँपालिका–२ को खरबाङ र बडिगाड–७ स्थित भीमगिठेमा शाखा कार्यालय विस्तार गरिएको हो ।

बैंकका संस्थापक अध्यक्ष देवीप्रकाश भट्टचनले ती शाखा कार्यालयहरूको उद्घाटन गरे । विभिन्न ठाउँमा शाखा कार्यालय सञ्चालनमा ल्याएर सर्वसाधारणको घरआँगनसम्म सरल र सहज रूपमा बैंकिङ सेवा विस्तार गरिएको प्रभु बैंकले जनाएको छ ।

नयाँ शाखामार्फत समेत स्थानीय बासिन्दा, व्यावसायिक फर्म, कम्पनी तथा संघसंस्थाले आधुिनक बैंकिङ सेवा उपभोग गरी लाभान्वित हुने र यस क्षेत्रको समग्र आर्थिक उन्नतिमा महत्त्वपूर्ण भूमिका निर्वाह गर्ने बैंकले विश्वास लिएको छ ।

हालसालै ‘बैंक अफ दी इयर २०२३’ को उपाधिबाट सम्मानित प्रभु बैंकले नेपालभर ३१३ शाखा कार्यालय, २८६ एटीएम र ६९ एक्सटेन्सन काउन्टरमार्पmत सेवा दिँदै आएको छ ।