काठमाडौं । जनमत पार्टी नेपालले मधेस प्रदेशमा रहेका बेथितिलाई सुधार गर्दै सुशासन कायम गर्न प्रदेश सरकारलाई आग्रह गर्ने भएको छ । 

जनकपुरधाममा बसेको जनमत पार्टीको दुई दिने सचिवालय बैठकले सुशासन कायम गर्न सरकारसँग आग्रह गर्ने निर्णय गरेको पार्टीका प्रवक्ता शरदसिंह यादवले जानकारी दिए । 

बैठकले प्रदेश सरकारको ४५ दिनको कामको समीक्षा समेत गरेको छ । प्रदेश सरकारको आगामी दिनमा हुने कार्ययोजनाबारेमा पनि छलफल भएको यादवले बताए । 

मधेस प्रदेशमा ठूलो संख्यामा रोजगारी सिर्जना गर्न कार्यक्रम सञ्चालनमा ल्याउन आग्रह गर्ने निर्णय गरेको प्रवक्ता यादवले जानकारी दिए ।