![सहकारीको ठगी नियन्त्रण गर्न प्रभावकारी कानुन बनाउन सुझाव](https://12khari.top/uploads/posts/Sahakari-Chhanbin-Samiti-1721912142.jpg)
काठमाडौं । महान्यायाधिवक्ताको कार्यालयले सहकारी ठगी नियन्त्रण गर्न हालको कानुनले समाधान नदिए प्रभावकारी कानुन निर्माण गर्न सुझाव दिएको छ ।
सिंहदरबारमा बिहीबार बसेको सहकारी संस्था बचत रकम दुरुपयोग संसदीय छानबिन विशेष समितिको बैठकमा महान्यायाधिवक्ता रमेश बडालले सहकारी क्षेत्रलाई समस्यामुक्त बनाउन प्रभावकारी कानुन चाहिने सुझाव दिए ।
समितिले सुझावका लागि महान्यायाधिवक्ता बडालसहित सर्वोच्चका वरिष्ठ रजिस्ट्रार देवेन्द्रराज ढकाल, नायव महान्यायाधिवक्ता र सहमहान्यायाधिवक्तासमेतलाई बोलाएको थियो ।
छलफलका क्रममा सहकारी ठगी सम्बन्धमा सहकारी ऐनअनुसार सहकारी ठगी र अपराध संहिताअनुसार ठगीमा मुद्दा चलाउने समय नपुगेकाले नयाँ प्रबन्ध गर्नुपर्ने सुझाव आएको समितिका सभापति सूर्य थापाले जानकारी दिए ।
उनीहरूले सहकारी ठगीमा प्रहरीले जाहेरी लिन नमाने सरकारी वकिलमार्फत पनि जाहेरी दिन सकिने प्रबन्ध रहेको बताएका थिए ।