काठमाडौं । प्रधानमन्त्री केपी शर्मा ओली विमान दुर्घटनाबाट घाइते भएका क्याप्टेन मनीषरत्न शाक्यलाई भेट्न अस्पताल पुगेका छन् ।

बुधबार साँझ सिनामंगलमा रहेको केएमसी अस्पताल पुगेर ओलीले क्याप्टेन शाक्यलाई भेटेका हुन् ।

"आज भएको सौर्य एयरलाइन्सको जहाज दुर्घटनाबाट घाइते भएका क्याप्टेन एम आर शाक्यको स्वास्थ्य अवस्था बुझ्न, प्रधानमन्त्री केपी शर्मा ओली केएमसी अस्पताल सिनामंगलमा पुग्नुभएको छ," ओलीको सचिवालयले‍ भनेको छ ।

बुधबार सौर्य एयरको जहाज त्रिभुवन विमानस्थलमा दुर्घटना हुँदा क्याप्टेन शाक्यबाहेक अरू सबै १८ जनाले ज्यान गुमाएका थिए । उनको केएमसी अस्पतालमा उपचार भइरहेको छ ।