काठमाडौं । त्रिभुवन अन्तर्राष्ट्रिय विमानस्थलमा भएको सौर्य एयरको विमान दुर्घटनामा एक यमनका नागरिकको पनि मृत्यु भएको छ । मृत्यु हुनेमा अरिफ रेडा रहेको खुलेको छ । रेडा सौर्य एयरमा कर्मचारीको रूपमा काम गर्दै आएका थिए । 

सौर्य एयरका डेपुटी जनरल मेनेजर उमेश आचार्यका अनुसार यमन नागरिक रेडासहित अन्य १७ जना प्राविधिक कर्मचारी विमानमा सवार थिए । उनीहरू पोखराका लागि उडानमा थिए ।
 
दुईजना चालकदलका सदस्य रहेको कम्पनीले जनाएको छ । नेपाल नागरिक उड्ययन प्राधिकरणका अनुसार १८ जनाको शव संकलन गरिएको छ । एकजनाको जीवितै उद्धार गरिएको छ ।