![एमाले–कांग्रेस गठबन्धन सरकारको विदेश नीति कस्तो हुन्छ ?](https://12khari.top/uploads/posts/Oli-and-Prachanda-(4)-1721549475.jpg)
काठमाडौं । प्रधानमन्त्री केपी शर्मा ओलीले नेकपा (एमाले) र नेपाली कांग्रेसबीचको गठबन्धन सरकारको विदेश नीति स्वाधीनता, स्वाभिमान र विकासबाट निर्देशित हुने बताएका छन् । आइतबार प्रतिनिधिसभामा विश्वासको मत लिने क्रममा उनले वर्तमान सरकारको विदेश नीतिबारे जानकारी गराएका हुन् ।
“हाम्रो विदेश नीति स्वाधीनता, स्वाभिमान र विकासबाट निर्देशित हुनेछ,” प्रधानमन्त्री ओलीले भने, “हामी असल छिमेकीपनमा विश्वास गर्छौँ । त्यसानुसारको व्यवहार गर्छौँ ।”
छिमेकी राष्ट्रको चासोलाई सरकारले सम्बोधन गर्ने उनले बताए । उनले थप स्पष्ट पारे, “हामी छिमेकीका जायज चासो सम्बोधन गर्छौँ । साथै, हाम्रा जायज चासो सम्बोधन होस् भन्ने पनि अपेक्षा गर्छौँ ।”
वर्तमान सरकारले पारस्परिक लाभ र सम्मानमा विश्वास गर्ने प्रधानमन्त्री ओलीले बताए ।