काठमाडौं । नवनियुक्त प्रधानमन्त्री केपी शर्मा ओली र पूर्वराष्ट्रपति विद्यादेवी भण्डारीबीच भेटवार्ता भएको छ । आइतबार बेलुका विद्या निवास चपलीमा उनीहरूबीच भेट भएको हो ।

ओलीका स्वकीय सचिव राजेश बज्राचार्यका अनुसार भेटमा जिल्ला तहका नेताहरू पनि उपस्थित थिए ।
एमाले काठमाडौं जिल्ला अध्यक्ष दीपक निराैलाले उनीहरूबीच शिष्टाचार भेटवार्ता भएको जानकारी दिए । 

"प्रधानमन्त्रीज्यूकाे पूर्वराष्ट्रपतिज्यूसँग शिष्टाचार भेटवाता भएकाे हाे । पूर्वराष्ट्रपतिज्यूले बधाई दिनुभयाे । अरू कुनै विषयवस्तु थिएन । राष्ट्रिय राजनीतिका विषयमा सामान्य कुराकानी हुने नै भयाे," उनले भने ।

भेटघाट गरेर ओली फर्किसकेका छन् ।

राष्ट्रपति रामचन्द्र पौडेलले आइतबार अपराह्न ओलीलाई प्रधानमन्त्रीमा नियुक्त गरेका थिए । ओलीको शपथ सोमबार बिहान ११ बजेका लागि तय गरिएको छ ।