![विश्व वरीयताको दोस्रो स्थानका भिक्टरसँगै प्रिन्स पेरिस ओलम्पिकको समूह ‘पी’ मा](https://12khari.top/uploads/posts/prince3-1716601954.jpg)
काठमाडौं । नेपालका ब्याड्मिन्टन खेलाडी प्रिन्स दाहालले पेरिस ओलम्पिक–२०२४ को समूह चरणमा विश्व ब्याड्मिन्ट वरीयताको दोस्रो स्थानका भिक्टर एक्सलसेनसँग खेल्ने भएका छन् ।
विश्व ब्याड्मिन्टन महासंघ (बीडब्लूएफ)ले सार्वजनिक गरेको तालिकाअनुसार प्रिन्स वरीयताको दोस्रो स्थानका एक्सलसेनसँगै समूह ‘पी’ मा परेका हुन् । यो समूहमा प्रिन्ससँगै डेनमार्कका एक्सलसेन, आयरल्यान्डका न्हात एन्गुयेन र इजरायलका मिसा जिलबेरमन छन् ।
ओलम्पिकमा ब्याड्मिन्टन जुलाई २७ देखि अगस्ट ५ सम्म हुने तालिका छ । ओलम्पिकमा ब्याड्मिन्टनतर्फ विश्वभरका ४८ ओलम्पिक कमिटी र एक अन्तर्राष्ट्रिय ओलम्पिक कमिटि शरणार्थी ओलम्पिक टिमका १७४ खेलाडीले प्रतिस्पधा गर्नेछन् । जसमा पुरुष एकलतर्फ ४१ खेलाडीले प्रतिस्पर्धा गर्नेछन् ।
ओलम्पिक तयारीका लागि प्रिन्स हाल श्रीलंकामा छन् । उनी नेपालबाट ब्याड्मिन्टनतर्फ ओलम्पिक खेल्ने पहिलो खेलाडीसमेत हुन् ।