काठमाडौं । सिन्धुलीको कमला नदीस्थित रानीबासको जलमापन केन्द्रमा सतर्कता तह पार भएको छ ।

सोमबार बेलुका ६:४५ बजे जलमापन केन्द्रको जलसतह ३.५६ मि. रहेको र बढ्दो क्रममा रहेको महाशाखाले जनाएको छ ।

महाशाखाले दुधौली, मैनी, बेल्सोतसहित अन्य डुबान भइरहने होचा भूभागमा उच्च सतर्कता अपनाउन आग्रह गरेको छ ।

यसअघि सिन्धुलीकै चदाहा खोलाले पनि सतर्कता तह पार गरेको थियो । चदाहा खोलाको जलमापन केन्द्रले सोमबार बेलुका ६:२० बजे जलसतह (३९८.१० मि.) पार गरेको र बढ्दो क्रममा रहेको बाढी पूर्मानुमान मशाखाले जनाएको छ ।