काठमाडौं । आईसीसी ट्वान्टी–२० विश्वकपमा अमेरिकाले इंग्ल्यान्डलाई ११६ रनको लक्ष्य दिएको छ ।

आइतबार ब्रिजटाउनमा जारी खेलमा टस हारेर ब्याटिङमा आएको अमेरिकाले १८.५ ओभरमा सबै विकेट गुमाएर ११५ रनको योगफल खडा गरेको हो । अमेरिकालाई सस्तैमा समेट्न इंग्ल्यान्डका क्रिस जोर्डनले ह्याट्रिक विकेट लिए ।

अमेरिकाका नितिश कुमारले ३० रन बनाए । कोरी एन्डरसनले २९, हर्मित सिंहले २१ र कप्तान आरोन जेम्सले १० रन जोडे ।

इंग्ल्यान्डका क्रिस जोर्डनले चार विकेट लिए । २.५ ओभर बलिङ गरेका उनले १० रनमात्र खर्चिए । जोर्डनले १९औँ ओभरको तेस्रो, चौथो र पाँचौ बलमा लगातार विकेट लिँदै ह्याट्रिक पूरा गरेका हुन् । जारी विश्वकपमा यो तेस्रो ह्याट्रिक हो । यसअघि अस्ट्रेलियाका प्याट कुमिन्सले लगातार दुई खेलमा ह्याट्रिक लिएका थिए ।

आदिल राशिद र साम करणले समान दुई विकेट लिए । रिस टोप्ली र लियम लिभिङस्टोनले समान एक विकेट हात पारे ।

प्रतियोगिताको सुपर–८ मा इंग्ल्यान्ड तालिकाको तेस्रो स्थानमा छ । इंग्ल्यान्डले दुई खेलबाट दुई अंक जोडेको छ । समान खेलबाट दुई अंक नै जोडेको अमेरिका तालिकाको चौथो स्थानमा छ ।