काठमाडौं । नेपाल बैंक तथा वित्तीय संस्था परिसंघ (सिबिफिन)का वरिष्ठ उपाध्यक्ष राजेश उपाध्यायले बढ्दै गएको खराब कर्जाले अर्थतन्त्रमा ठूलो समस्या सिर्जना गरिरहेको बताएका छन् । आइतबार काठमाडौंमा आयोजित एक कार्यक्रममा उनले यस्तो बताएका हुन् ।

“राष्ट्र बैंकले ५ प्रतिशतभन्दा कम हुनुपर्ने व्यवस्थाले बैंकरलाई दबाब छ ।  बैंकको खराब कर्जा ४ प्रतिशतभन्दा बढी हुनसक्छ,” उनले भने, “खराब कर्जा अझै पनि बढ्न सक्छ । यसले अर्थतन्त्रमा धेरै असर गर्छ ।”

उनले इक्विटीभन्दा रिजर्व बढाउनतर्फ बैंकले ध्यान दिनुपर्ने बताए । यसले बैंकलाई बलियो बनाउन टेवा पुग्ने उनको भनाइ छ ।

उनले बैंक तथा वित्तीय संस्थाले सूचना प्रविधिमा प्राथमिकता दिएर खर्च घटाउनतर्फ ध्यान दिनुपर्ने उल्लेख गरे ।