काठमाडौं । अग्नि ग्रुपअन्तर्गतको बालाजु अटो वर्कसले आफ्ना महिन्द्रा बोलेरो गाडीका ग्राहकहरूलाई लक्षित गरी ‘ज्याला फ्री, बोलेरो मर्मत र सर्भिसिङमा बचत बढी’ योजना ल्याएको छ ।

कम्पनीले असार ९ देखि २१ गतेसम्मका लागि यो योजना सार्वजनिक गरेको हो । यो योजना डेन्ट पेन्ट र बाहिरी श्रममा लागु नहुने जानकारी दिइएको छ । यो योजनाको लाभ उठाउनका लागि ग्राहकले कम्तीमा एक हजार रुपैयाँको स्पेयर पार्ट्स खपत गर्नुपर्नेछ ।   

बालाजु अटो वर्क्सका सर्भिस हेड शिव सुदन श्रेष्ठका अनुसार ग्राहकहरूको सुविधाका लागि योजना ल्याइएको हो ।

यो योजना हाल वाग्मती र गण्डकी प्रदेशका बालाजु अटो वर्कसअन्तर्गत महिन्द्राका आधिकारिक सर्भिस सेन्टरहरूमा मात्र लागु गरिएको छ ।  

साथै अग्नि ग्रुपको सहायक कम्पनी अग्नि आस्था प्रालिले यसै योजनाअन्तर्गत महिन्द्राका कुनै पनि गाडी खरिद तथा बिक्री वा एक्सचेन्ज गर्ने योजना पनि ल्याएको छ । यस योजनाअन्तर्गत गाडी खरिद गर्दा थप वारेन्टी, फ्री सर्भिसिङ, अग्नि हायर परचेजमार्फत सरल फाइनान्सिङलगायत अन्य सुविधा पनि उपलब्ध गराउनेछ ।