विराटनगर । कोसी प्रदेश सरकारले आउँदो आर्थिक वर्ष स्थानीय तहमा चार अर्ब ९८ करोड ५० लाख रुपैयाँ हस्तान्तरण गर्ने बजेटमार्फत घोषणा गरेको छ ।

आर्थिक मामिला तथा योजनामन्त्री रामबहादुर मगरले शनिबार प्रदेशसभामा आउँदो आर्थिक वर्षको बजेट प्रस्तुत गर्दै ससर्त र समपूरक अनुदान हस्तान्तरण गर्ने व्यवस्था मिलाइएको बताए । राजस्व बाँडफाँटबाट भने ९५ करोड रुपैयाँ हस्तान्तरण हुने अनुमान रहेको उनले सुनाए ।

वित्तीय समानीकरण स्थानीय तहलाई एक अर्ब, ससर्ततर्फ दुई अर्ब नौ करोड ५१ लाख र समपूरकतर्फ एक अर्ब ४८ करोड ९९ लाख रुपैयाँ वित्तीय हस्तान्तरण हुने मन्त्री मगरले बताए ।