site stats
बाह्रखरी :: Baahrakhari
खेल
Global Ime bankGlobal Ime bank
वर्षाका कारण खेल रद्द हुँदा अमेरिका सुपर–८ मा, पाकिस्तान समूह चरणबाटै बाहिरियो

काठमाडौं । आईसीसी ट्वान्टी–२० विश्वकपअन्तर्गत वर्षाका कारण आयरल्यान्डविरुद्धको खेल रद्द हुँदा अमेरिका समूह ‘ए’ बाट सुपर–८ मा प्रवेश गर्ने दोस्रो टिम बनेको छ ।

शुक्रबार सेन्ट्रल ब्राडवार्ड रिजनल पार्क रंगशालामा हुने तय भएको खेल वर्षाका कारण टससमेत नभई रद्द भएपछि अमेरिकाले सुपर–८ मा स्थान निश्चित गरेको हो । खेल रद्द हुँदा दुवै टिमले समान एक अंक बाँडेका हुन् ।

चार खेलबाट पाँच अंक जोडेको अमेरिका दोस्रो स्थानमा रहँदै आगामी चरणमा प्रवेश गरेको हो । यस्तै, तीन खेलबाट एक अंकसहित पुछारमा रहेको आयरल्यान्ड पनि समूह चरणको अन्तिम खेल अगावै बाहिरिएको छ ।

यो समूहबाट भारत र अमेरिकाले आगामी चरणको यात्रा तय गर्दा सन् २००९ को विजेतासमेत रहेको पाकिस्तान भने समूह चरणबाटै बाहिरिएको छ । तीन खेलबाट दुई अंक जोडेको पाकिस्तान तालिकाको तेस्रो स्थानमा छ । पाकिस्तानले पहिलो खेलमा अमेरिकासँग सुपर ओभरमा र दोस्रो खेलमा भारतसँग ६ रनको हार बेहोरेको थियो ।

 

प्रकाशित मिति: शुक्रबार, जेठ ३२, २०८१  २३:४७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro