site stats
बाह्रखरी :: Baahrakhari
खेल
Global Ime bankGlobal Ime bank
Nabil Bank Banner adNabil Bank Banner ad
विश्वकपमा युगान्डाको पहिलो जित 

काठमाडौं । आईसीसी ट्वान्टी २० विश्वकपमा युगान्डाले पपुवा न्युगिनी (पीएनजी)विरुद्ध तीन विकेटको जित निकालेको छ ।

बिहीबार बिहान भएको खेलमा पीएनजीले प्रस्तुत गरेको ७८ रनको लक्ष्य युगान्डाले १८.२ ओभरमा सात विकेट गुमाएर भेट्टायो । विश्वकपको इतिहासमै युगान्डाको यो पहिलो जित हो ।

युगान्डाको जितमा रियाजत अली साहले सर्वाधिक ३३ रन बनाए । जुमा मियागीले १३ रन थपे । २५–५ को नाजुक अवस्थाबाट रियाजत र मियागीले छैटौँ विकेटका लागि ३५ रनको साझेदारी गर्दै युगान्डालाई जितनजिक पुर्‍याएका थिए ।

पीएनजीका अलेइ नाओ र नोर्मन भानुआले समान तीन विकेट लिए । चाड सोपेर र असद भालाले समान एक विकेट लिए ।

त्यसअघि, टस हारेर ब्याटिङमा उत्रिएको पीएनजीले १९.१ ओभरमा सबै विकेट गुमाएर ७७ रन बनाएको थियो ।

पीएनजीका हिरी हिरीले सर्वाधिक १५ रन बनाए । लेगा सियका र किप्लिन डोरिगाले समान १२ रन थप्दा अरू ब्याटरले दोहोरो अंकमा रन जोड्न सकेनन् ।

युगान्डाका अल्पेस रामजानी, कोस्मोस क्युवुटा, जुमा मियागी र फ्रांक एनसुबुगाले समान दुई विकेट लिए । ब्रियन मासाबाको नाममा एक विकेट रह्यो ।

जितसँगै दुई खेलबाट दुई अंक जोडेको युगान्डा समूह ‘सी’को तेस्रो स्थानमा उक्लिएको छ । युगान्डा पहिलो खेलमा अफगानिस्तानविरुद्ध १२५ रनले पराजित भएको थियो । पीएनजीको भने यो लगातार दोस्रो हार हो । पीएनजी पहिलो खेलमा वेस्ट इन्डिजसँग पाँच विकेटले पराजित भएको थियो ।
 

machhapuchchhre Bank banner admachhapuchchhre Bank banner ad
प्रकाशित मिति: बिहीबार, जेठ २४, २०८१  ०९:२३
worldlinkworldlink
प्रतिक्रिया दिनुहोस्
national life insurance newnational life insurance new
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
चौताराहरू लोप हुने जोखिम
चौताराहरू लोप हुने जोखिम
Hamro patroHamro patro