काठमाडौं । भारतमा भएको लोकसभा निर्वाचनको प्रारम्भिक मतगणनामा केन्द्रीय मन्त्री स्मृति इरानी पछि परेकी छन् । उत्तर प्रदेशको अमेठी लोकसभा सिटमा इरानीले उमेदवारी दिएकी थिइन् ।

भारतीय निर्वाचन आयोगका अनुसार इरानीले मंगलबार बिहान ११ः१० बजेसम्म ६३ हजार ६५२ मत प्राप्त गरेकी छन् ।त्यहीँ कांग्रेसका किशोरी लाल शर्माले ९० हजार ७४७ मत प्राप्त गरिसकेका छन् । शर्मा २७ हजार ९४ मतले इरानीभन्दा अगाडि रहेका छन् ।

सन् २०१९ मा भएको लोकसभा निर्वाचनमा स्मृति इरानीले कांग्रेसका नेता राहुल गान्धीलाई पराजित गरेर विजयी भएकी थिइन् । यसपटक कांग्रेसले राहुल गान्धीको सट्टा उक्त स्थानमा किशोरी लाल शर्मालाई उमेदवार बनाएको थियो ।