काठमाडौं । आईसीसी ट्वान्टी–२० विश्वकपमा दक्षिण अफ्रिकाविरुद्ध श्रीलंका ७७ रनमै अलआउट भएको छ ।

सोमबार अमेरिकाको न्यू योर्कमा जारी समूह 'डी'को खेलमा टस जितेर ब्याटिङ रोजेको श्रीलंका १९.१ ओभरमा ७७ रनमै समेटिएको हो । यससँगै जितका लागि दक्षिण अफ्रिकाले ७८ रनको सामान्य लक्ष्य पाएको छ ।

श्रीलंकाको खातामा कुशल मेन्डिसले सर्वाधिक १९ रन बनाए । एन्गोलो म्याथ्युले १६ रन थप्दा कामिन्दु मेन्डिसले ११ रन बनाए । यसबाहेक, अन्य ब्याटरले दोहोरो अंकमा रन जोड्न सकेनन् । श्रीलंकाका तीन ब्याटर शून्यमा पभेलियन फर्किए ।

श्रीलंकाको ब्याटिङ लाइन धराशायी बनाउन दक्षिण अफ्रिकाका एनरिक नोर्ट्जेले घातक बलिङ गरे । चार ओभर बलिङ गरेको नोर्ट्जेले सात रनमात्र खर्चिएर चार विकेट लिए । उनको इकोनोमी रेट १.७५ को मात्र थियो । यसबाहेक, कगिसो रबाडा र केशब महारेजले समान दुई विकेट लिए । ओटनेल बार्टमानको नाममा एक विकेट रह्यो ।

प्रतियोगिताका दुवै टिमको यो पहिलो खेल हो । प्रतियोगिताको यस समूहमा श्रीलंका र दक्षिण अफ्रिकासँगै नेपाल, नेदरल्यान्ड्स र बंगलादेश छन् ।