site stats
बाह्रखरी :: Baahrakhari
खेल
Global Ime bankGlobal Ime bank
रियाल मड्रिडलाई १५औँ पटक च्याम्पियन्स लिगको उपाधि

काठमाडौं । फाइनलमा जर्मन क्लब बोरुसिया डर्टमन्डविरुद्ध २–० को जित निकाल्दै स्पेनिस क्लब रियाल मड्रिडले १५औँ पटक यूईएफए च्याम्पियन्स लिगको उपाधि जितेको छ ।

शनिबार राति इंग्ल्यान्डको लन्डनस्थित वेम्बली रंगशालामा भएको फाइनलमा रियाललाई जित दिलाउन ड्यानी कार्भाहाल र भिनिसियस जुनियरले गोल गरे । 

खेलको पहिलो हाफ गोलरहित बराबरीमा समाप्त भए पनि ७४औँ मिनेटमा कार्भाहालको गोलमा रियालले अग्रता बनाएको थियो । च्याम्पियन्स लिगमा कार्भाहालले सन् २०१५ पछि च्याम्पियन्स लिगमा गोल गरेका हुन् । कार्भाहालले गोल गरेको नौ मिनेटपछि जुनियरले गोल गर्दै रियालको अग्रता दोब्बर बनाएका थिए ।

८७औँ मिनेटमा डर्टमन्डका फुलक्रुगले हेडर गोल गरे पनि लाइन्समेनबाट अफसाइडको इसारा भएपछि जर्मन क्लब रियालको अग्रता घटाउन असफल भएको थियो । त्यसअघि २३औँ मिनेटमा मार्सेल साबिटजरको प्रहार बारमा लागेर फर्किनु डर्टमन्डका लागि दुर्भाग्य बन्यो ।

रियाल मड्रिड सन् २०२२ पछि च्याम्पियन्स लिगको च्याम्पियन बनेको हो ।

प्रकाशित मिति: आइतबार, जेठ २०, २०८१  ०५:४९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro