अलास्का । अमेरिकाको अलास्कास्थित नदी र खोलाहरूको रङ सफा, प्रस्ट निलो हुँदै खिया लागेको जस्तो सुन्तला रङमा परिवर्तन भएको पाइएको छ । जमिनको सतहमा रहेका फ्रोजन माटो, ग्राभेल, बालुवालगायत वस्तु गल्नु र विषालु धातुका कारण यस्तो भएको एक अध्ययनले देखाएको छ ।

उक्त तथ्यले नेसनल पार्क सर्भिस, डेभिसस्थित युनिभर्सिटी अफ क्यालिफोर्निया र यूएस जिओलोजिकल सर्भेका अनुसन्धाता आश्चर्यमा परेका छन् । उनीहरूले अलास्काका विभिन्न ७५ स्थानका खोलाको ‘वाटरवेज रेन्ज’को अध्ययन गरेका थिए ।

नदी र खोलाको रेन्ज विगत पाँचदेखि १० वर्षमा खिया लागेको जस्तो देखिँदै बादल र सुन्तला रङको हुने गरेको अध्ययनमा देखिएको छ । त्यससम्बन्धी अध्ययन जर्नल कम्युनिकेसन्स : अर्थ एन्ड इन्भायरन्मेन्टमा प्रकाशित छ । सीएनएनबाट ।