site stats
बाह्रखरी :: Baahrakhari
खेल
Global Ime bankGlobal Ime bank
जाभीको सुखद बिदाइ 

काठमाडौं । अन्तिम खेलमा सेभियाविरुद्ध २–१ को जित निकालेपछि बार्सिलोनाका प्रशिक्षक जाभी हर्नान्डेजले सुखद बिदाइ पाएका छन् । आइतबार राति भएको खेलमा बार्सिलोनालाई जित दिलाउन रोबर्ट लेवान्डोवस्की र फेर्मिन समान एक गोल गरे । सेभियाका युसुफ एन–नेसरीले गोल फर्काएका थिए । 

जितसँगै बार्सिलोनाले दोस्रो स्थानमा रहँदै ला लिगा २०२३–२४ को अन्त्य गरेको छ । बार्सिलोनाका पूर्वखेलाडी समेत रहेका जाभी सन् २०२१ मा कतारी क्लब अल सादको जिम्मेवारी छोड्दै बार्सिलोनामा आएका थिए । 

जाभीको प्रशिक्षणमा बार्सिलोनाले सन् २०२२–२३ सिजनमा  ला लिगाको उपाधि जितेको थियो । तर, यस सिजन भने बार्सिलोनाले कुनै पनि उपाधि जित्न सकेन । “मेरो कामको उचित मूल्यांकन भएको जस्तो मलाई लाग्दैन । म मिश्रित भावनासहित क्लब छोड्दै छु । हामीले यो सिजन कुनै उपाधि नजिते पनि राम्रो गरेका थियौँ । मलाई लाग्छ हामी सही मार्गमा थियौँ र अहिले छौँ पनि,” अन्तिम खेलपछि जाभीले भने । 

बार्सिलोनाले जाभीको प्रशिक्षणमा एक ला लिगा र एक सुपर कपको उपाधि जितेको छ ।
 

प्रकाशित मिति: सोमबार, जेठ १४, २०८१  ११:५५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro