![प्रधानमन्त्री प्रचण्डले पाए विश्वासको मत](https://12khari.top/uploads/posts/prachanda-samsad6-1716187900.jpg)
काठमाडौं । प्रतिपक्षी नेपाली कांग्रेससहित दलको नारबाजीका बीच प्रधानमन्त्री पुष्पकमल दाहाल प्रचण्डले विश्वासको मत लिएका छन् । सोमबारकाे प्रतिनिधिसभाको दोस्रो बैठकमा उनले विश्वास मत प्राप्त गरेका हुन् । बैठकमा १५८ उपस्थित थिए । उनको पक्षमा १५७ मत पर्यो । विपक्षमा शून्य र तटस्थमा एक मत परेको सभामुख देवराज घिमिरेले जनाए ।
सहकारीको बचत अपचलन प्रकरणमा गृहमन्त्री रवि लामिछानेमाथि छानबिनका लागि संसदीय समिति बनाउनुपर्ने माग राख्दै प्रतिपक्षीहरूले नारबाजी गरिरहे । १५ मिनेटका लागि स्थगित भएपछि बसेको दोस्रो बैठकमा मर्यादापालक लगाएर प्रधानमन्त्री प्रचण्ड रोष्ट्रम पुगेका थिए । उनको विश्वासको मतमाथिको प्रस्तावमा एमालेका उपाध्यक्ष विष्णु पौडेलमात्रै छलफलमा सहभागी भए । त्यसपछि निर्णय प्रक्रियामा लगियो ।
केही समययता कांग्रेसले छानबिन समितिको माग राख्दै सदन अवरोध गर्दै आइरहेको छ ।