काठमाडौं । संसदीय छानबिन समिति गठनसम्बन्धी कार्यदलको ‘टीओआर’मा सहमति नभएसम्म बैठक नचलाउन सभामुखलाई प्रतिपक्षी दलहरूले आग्रह गरेका छन् । 

प्रतिपक्षी दलहरूको बैठकबाट संसदीय छानबिन समितिको टीओआर नबन्दासम्म बैठक सञ्चालन नगर्न आग्रह गर्ने निर्णय भएको थियो । बैठकका निर्णयबारे राप्रपाका प्रमुख सचेतक ज्ञानबहादुर शाहीले सभामुख देवराज घिमिरेलाई जानकारी गराएका थिए । “निर्णय सुनाउन ज्ञानबहादुर शाही सभामुखको कार्यकक्षमा आउनुभएको थियो,” सभामुखको सचिवालयले भनेको छ । 

सभामुख सचिवालयले विपक्षी दलको जानकनरीसँगै बैठक अनिश्चित भएको जनाएको छ । सहमतिका लागि कार्यदलले सहयोग मागेपछि नेपाली कांग्रेसका प्रमुख सचेतक रमेश लेखक भने कानुन मन्त्रालय गएका छन् । जहाँ कार्यदल समितिको बैैठक जारी छ ।