काठमाडौं । नेपाली कथानक चलचित्र ‘लन्डन टु पेरिस’को गीत ‘चाहान्छु यो माया’ सार्वजनिक गरिएको छ । 

सार्वजनिक गीतमा एसडी योगीको संगीत तथा राम अविरल बिष्टको शब्दरचना छ । संगीतकार योगी र नभिता पौडेलको स्वर रहेको छ । 

सार्वजनिक गीतमा साम्राज्ञी आरएल शाह, निश्चल खड्का र गरिमा शर्माबीचको त्रिकोणात्मक प्रेम देखाइएको छ ।

घनश्याम लामिछाने निर्देशित सिनेमाले ट्राभल लभस्टोरीको कथा पेस गर्नेछ । चलचित्रको कथा, पटकथा र संवाद प्रदीप भारद्वाजले लेखेका हुन् ।