site stats
बाह्रखरी :: Baahrakhari
देश
Nabil BankNabil Bank
पिस कोरका उपनिर्देशक नेपालमा 
Sarbottam CementSarbottam Cement

काठमाडौं । पिस कोरका उपनिर्देशक डेभिड ई. ह्वाइट जुनियर नेपालको पाँच दिने भ्रमणको सिलसिलामा आज काठमाडौं आइपुगेका छन् । 

आफ्नो भ्रमणका क्रममा उपनिर्देशक ह्वाइटले नेपाल सरकार र नागरिक समाजका प्रतिनिधिहरूसँग भेटघाट गरी स्थापनाकालदेखि नै पिस कोर कार्यक्रमलाई उनीहरूले गरेको दीर्घकालीन सहयोगका लागि धन्यवाद ज्ञापन गर्ने काठमाडौंस्थित अमेरिकी दूतावासले जनाएको छ ।

Prabhu Bank
Agni Group
NIC Asia

उनले नेपालमा पिस कोर कार्यक्रम विस्तार गर्ने योजनाबारे समेत छलफल गर्ने अमेरिकी दूतावासद्वारा बुधबार जारी विज्ञप्तिमा जनाइएको छ । 

उपनिर्देशक ह्वाइट भर्खरै आइपुगेका १० जना पिस कोर रेस्पोन्स भोलेन्टियरहरूको शपथ ग्रहण समारोहमा पनि सहभागी हुनेछन् । नेपालमा काम गर्न आउने रेस्पोन्स भोलेन्टियरहरूको यो पहिलो समूह हो । भ्रमणका क्रममा उपनिर्देशक ह्वाइटले हाल नेपालभर कार्यरत स्वयंसेवक र उनीहरूका समकक्षीसँग पनि भेटघाट गर्नेछन् । नेपालमा स्वयंसेवकहरू कृषि, शिक्षा र स्वास्थ्यका क्षेत्रका परियोजनाहरूमा काम गर्छन् । 

Global Ime bank

समुदायसँग प्रभावकारी रूपमा सञ्चार तथा सहकार्य गर्नका निम्ति उनीहरू नेपाली भाषा र अन्य स्थानीय भाषाहरू सिक्ने गरेका छन् । 

हाल नेपालका सात जिल्लामा ४० जना पिस कोर स्वयंसेवक कार्यरत छन् । उनीहरूले ग्रामीण समुदायका सरकारी विद्यालयमा अंग्रेजी भाषा पढाउने र खाद्य तथा पोषण सुरक्षामा काम गरिरहेका छन् । शपथ ग्रहण गर्न लागेको नयाँ समूहसँगै अब नेपालका आठ जिल्लामा कार्यरत पिस कोर स्वयंसेवकहरूको संख्या ५० पुग्ने भएको छ ।

सन् १९६२ को सेप्टेम्बरमा पिस कोरले नेपालमा पहिलोपटक कार्य सुरु गरेको थियो । त्यसयता झन्डै चार हजार अमेरिकी नागरिकहरूले नेपालमा विभिन्न क्षेत्रमा काम गरेका छन् । 

NIBLNIBL
प्रकाशित मिति: बुधबार, जेठ २, २०८१  १७:०७
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement