राजनीति
![ओली अस्वस्थ भएपछि गाउँपालिकाको भवन उद्घाटन कार्यक्रम स्थगित](https://12khari.top/uploads/posts/KP-oli-1715330288.jpg)
काठमाडौं । नेकपा (एमाले)का अध्यक्ष केपी शर्मा ओली अस्वस्थ भएपछि बारा जाने कार्यक्रम स्थगित गरेका छन् ।
सोमबार ओलीले बाराको प्रसौनी गाउँपालिकाको नवनिर्मित प्रशासकीय भवनको उद्घाटन गर्ने कार्यक्रम थियो । गाउँपालिकाका अध्यक्ष विनोदप्रसाद जैसवालले ओली अस्वस्थ भएकाले कार्यक्रम स्थगितको विज्ञप्ति आइतबार नै जारी गरेका छन् । अब आउँदो जेठ ४ गते भवनको उद्घाटन गरिने उनले जानकारी दिए ।
अध्यक्ष ओलीको सचिवालयका अनुसार, उनलाई रुघा लागेको छ । त्यसैले उनी निवासमै आराम गरिरहेका छन् । “अध्यक्ष (केपी ओली)लाई रुघाखोकी लागेको छ, निवासमा नै आराम गरिरहनुभएको छ,” ओलीको सचिवालयले बाह्रखरीसित भन्यो ।
प्रकाशित मिति: सोमबार, वैशाख ३१, २०८१ १३:४९
प्रतिक्रिया दिनुहोस्