काठमाडौं । राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानबहादुर (ज्ञानेन्द्र) शाहीले प्रधानमन्त्री पुष्पकमल दाहाल ‘प्रचण्ड’लाई कारबाही गर्नुपर्ने माग गरेका छन् । आइतबार सभामुख देवराज घिमिरे र दलका प्रमुख सचेतकबीचको छलफलपछि उनले उपप्रधान एवं गृहमन्त्री रवि लामिछानेको अभिव्यक्तिका आधारमा कारबाही गरिनुपर्ने बताएका हुन् ।

सहकारीको बचत हिनामिनाका आरोपित जीबी राईलाई तत्कालीन सरकारले भगाएको भनी गृहमन्त्रीले अभिव्यक्ति दिएको भन्दै उनले कारबाहीको माग गरे ।

• गृहमन्त्री भन्छन्– जीबी राईलाई यसअघिको सरकारले भगायो 

“देशको गृहमन्त्रीले भनेको कुरा त हामीले विश्वास मान्नैपर्‍यो । सभामुखलाई अनुरोध गर्न चाहन्छौँ,” उनले भने, “अपराधीलाई भगाउने प्रधानमन्त्रीलाई कारबाही हुनुपर्छ । गृहमन्त्रीले पक्राउ पुर्जी जारी गर्नुपर्छ ।”