वासिङटन । अमेरिकी राष्ट्रपति जो बाइडेनले इजरायलले गाजाको रफाह क्षेत्रमा कुनै ठूलो कदम चालेमा अमेरिकाले केही हतियारको आपूर्ति बन्द गर्ने चेतावनी दिएका छन् । 

सीएनएनलाई दिएको पछिल्लो अन्तर्वार्ताका क्रममा बाइडेनले सो चेतावनी दिएका हुन् । यद्यपि, अमेरिकी चेतावनीका बाबजुद पनि इजरायलले रफाहको कारबाही जारी राखेको छ । 

इजरायलले हमासविरुद्ध रफाह क्षेत्रमा ठूलो परिमाणमा कारबाही नचलाएसम्म युद्धमा सफलता नमिल्ने बताउँदै आएको छ । 
आक्रमणको चेतावनी दिँदै रफाहको पूर्वी इलाकाबाट करिब एक लाख मानिसलाई अन्यत्र जान यसअघि इजरायली सेनाले चेतावनी दिएको थियो ।

अधिकारकर्मीले इजरायलले रफाह क्षेत्रमा कारबाही जारी राखेमा ठूलो संख्यामा मानिस मारिन सक्ने चेतावनी दिएका छन् ।