site stats
बाह्रखरी :: Baahrakhari
देश
Global Ime bankGlobal Ime bank
महेन्द्रनगर जग्गा प्रकरण : तीन अध्यक्षसहित पाँचजना भ्रष्टाचारी ठहर 

काठमाडौं । तत्कालीन महेन्द्रनगर नगर विकास समितिका तीन अध्यक्षसहित पाँचजना भ्रष्टाचारी ठहर भएका छन् । विशेष अदालतका न्यायाधीशहरू अध्यक्ष टेकनारायण कुँवर र सदस्य मुरारीबाबु श्रेष्ठको इजलासले २७ प्रतिवादीमध्ये नगर विकास समितिका अध्यक्ष गोपाल रसाइली, पल्टु राना र पुस्कल चौधरीसहित पाँचलाई भ्रष्टाचारी ठहर गरेको हो ।

महेन्द्रनगर नगर विकास समितिका नाममा रहेको सरकारी जग्गा व्यक्तिका नाममा गरी गैरकानुनी लाभ लिएको आरोपमा अख्तियार दुरुपयोग अनुसन्धान आयोगले ०७९ कात्तिक २ गते २७ जनालाई प्रतिवादी बनाएर मुद्दा दायर गरेको थियो ।

उक्त मुद्दामा विशेष अदालतले सोमबार (हिजो) पाँचजनालाई भ्रष्टाचारी ठहर गरेको हो । जग्गा जसका नाममा छ, त्यो जफत हुने फैसला समेत अदालतले गरेको छ ।

नगर विकास समितिका तत्कालीन अध्यक्षहरूमध्ये रसाइलीलाई दुई लाख ८३ हजार ३३३ रुपैयाँ, रानालाई १२ लाख ६४ हजार र चौधरीलाई तीन लाख ७४ हजार ८०० रुपैयाँ जरिवाना हुने फैसला विशेषले गरेको छ । तीनै अध्यक्षलाई समान दुई वर्ष कैद हुने फैसला गरिएको छ ।

यस्तै, तत्कालीन सदस्यसचिव चन्द्रप्रसाद चौधरी, नायब सुब्बा पुष्पराज भट्ट र नगर विकास समितिका तत्कालीन अमिन तुलादत्त जोशीलाई पनि दोषी ठहर गरिएको छ । उनीहरूलाई जनही डेढ वर्ष कैद सजाय हुने फैसला विशेषले गरेको छ ।

जोशी र भट्टलाई समान १५ लाख ४७ हजार ३३३ रुपैयाँ जरिवाना हुने पनि फैसलामा उल्लेख छ ।

प्रकाशित मिति: मंगलबार, वैशाख २५, २०८१  १९:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro