काठमाडौं । राजेन्द्र श्रेष्ठ र अशोक राईको नेतृत्वमा नयाँ दल दर्ता भएको छ । जनता समाजवादी पार्टी (जसपा) नेपालबाट अलग भएको समूहले नयाँ दल दर्ता गराएको हो ।

निर्वाचन आयोगमा पुगेर सात जना सांसदले हस्ताक्षरसहित दल दर्ताका लागि निवेदन दिएका छन् । 

पार्टीमा अध्यक्ष उपेन्द्र यादवले एकलौटी गरेको भन्दै दल विभाजन गरिएको सांसद सुशिला श्रेष्ठले जानकारी दिइन् ।

यस्तो छ निवेदन

श्री निर्वाचन आयोग,

कान्तिपथ, काठमाडौं ।

विषयः छुट्टै दल दर्ता गरी पाँऊ ।

नेपालको संविधानको धारा २६९ र राजनीतिक दल सम्बन्धी ऐन, २०७३ को दफा ४ को उपदफा (१) बमोजिम यस आयोगमा दल दर्ता कायम रहेको जनता समाजवादी पार्टी, नेपाल नामक राजनीतिक दलको केन्द्रीय समिति वा संघीय संसद्का २० प्रतिशत सदस्य भई राजनीतिक दलसम्बन्धी ऐन २०७३ र राजनीतिक दलसम्बन्धी (दोस्रो संशोधन) नियमावली, २०७६ को उपनियम १ बमोजिम नयाँ दल बनाउन देहाय बमोजिमका विवरण तथा कागजातसहित यो निवेदन पेस गरेको छु ।

साविकको दल सम्बन्धी विवरण :-
क) दलको नाम :- जनता समाजवादी पार्टी, नेपाल
ख) आयोगमा दर्ता भएको मिति :-
ग) केन्द्रीय समितिका सदस्यको संख्या - ४०
घ) संघीय संसद्‌मा प्रतिनिधित्व गर्ने सदस्य : ७

नयाँ राजनीतिक दल सम्बन्धी विवरणमा
क) दलको पूरा नाम : जनता समाजवादी पार्टी
ख) दलको संक्षिप्त नाम :- जनता समाजवादी
का) दल गठन भएको मिति : २३ वैशाख २०८१
घ) केन्द्रीय कार्यालय : काठमाडौं