विदेश
![टर्कीले रोक्यो इजरायलसँगको व्यापार](https://12khari.top/uploads/posts/Recep-Tayyip-Erdogan-Benjamin-Netanyahu-1714712271.jpg)
अंकारा । गाजा क्षेत्रमा इजरायलको आक्रामक गतिविधिलाई कारण देखाउँदै टर्कीले इजरायलसँगका आफ्ना सबै व्यापार निलम्बन गरिएको जनाएको छ । टर्कीको व्यापार मन्त्रालयले ‘गाजामा अवरोधविहीन र पर्याप्त रूपमा सहयोगको पहुँच नभएसम्म’ व्यापारको निलम्बन जारी रहने जनाएको छ ।
गत वर्ष दुई देशबीचको व्यापार सात बिलियन डलरको थियो । उक्त नयाँ घोषणालाई लिएर इजरायलका विदेशमन्त्रीले टर्कीका राष्ट्रपति रिसेप तैयप इर्दोगानलाई ‘तानाशाह’को संज्ञा दिएका छन् ।
इजरायलका विदेशमन्त्री इजरायल काट्जले सामाजिक सञ्जल एक्समा ‘टर्कीका जनता र व्यापारीको भावना र अन्तर्राष्ट्रिय व्यापार समझदारीको टर्की सरकारले बेवास्ता गरिएको’ आरोप लगाएका छन् । बीबीसीबाट ।
प्रकाशित मिति: शुक्रबार, वैशाख २१, २०८१ १०:४३
प्रतिक्रिया दिनुहोस्