बेइजिङ । चर्चित अमेरिकी उद्योगपति एलन मस्क चीनको भ्रमणमा गएका छन् । उनी चीनमा टेस्ला कारको अटो ड्राइभिङ मोडलाई सफल बनाउने प्रयासका लागि त्यसतर्फ गएका हुन् ।

मस्क चीनमा फुल सेल्फ ड्राइभिङ (एफएसडी)लाई सक्षम रूपमा अगाडि बढाउन चाहन्छन् ।  त्यसका लागि आफ्नो अल्गोरिदमलाई प्रशिक्षित गर्न जुटाएको डेटाको ट्रान्सफर गर्न चाहन्छन् । 

एफएसडी मोड अहिले अमेरिकामा चलिरहेको छ । तर, टेस्लाले चीनमा ल्याउन सकेको छैन । अमेरिकामा टेस्लाको अटोनोमस ड्राइभिङ मोडले १३ दुर्घटना भएका छन् । जसमा एकजनाको मृत्यु पनि भएको छ । 

चिनियाँ सञ्चारमाध्यमका अनुसार, चीनको प्रिमयर लि कियांगका साथ भएको एक बैठकका क्रममा मस्कले चीनसँग सहयोग बढाउन चाहेको बताएका थिए । उनका अनुसार यस्तो भएमा दुवै देशबीच राम्रो परिणाम ल्याउन सकिनेछ । लीले मस्कलाई चीनको बजार सधैँ विदेशी कम्पनीको लागि खुला रहेको बताए । 

चीन टेस्लाको सबैभन्दा ठूलो बजार हो । अन्य कार निर्माता जस्तो एक्सपेंगको मुख्यालय गुआन्जाओमा रहेको छ । उसले पनि आफ्नो कारमा टेस्लाकै जस्तो सेल्फ ड्राइभिङ फङ्गसन बनाएर टेस्लालाई कडा टक्कर दिइरहेको छ । आइतबार मस्कले चीनको कार कम्पनीलाई विश्वकै सबैभन्दा प्रतिस्पर्धी कार कम्पनी भएको बताएका थिए ।

उनले टेस्लाले एफएसडीको रोलआउटको बारेमा चीनका अधिकारीलाई आश्वस्त गर्न खोजेका छन् । उनले स्थानीय कानुनअनुसार, चीनका उपभोक्ताको बारेमा डेटा प्रोसेस गर्न संघाईमा एक डेटा सेन्टर स्थापना गर्ने विषयबारे पनि जानकारी दिए । 

अमेरिकाको नेसनल हाइवे ट्राफिक सेफ्टी एडमिनिस्ट्रेसन (एनएचटीएसए)ले टेस्लाको ड्राइभर असिस्टेन्ट सिस्टमको सुरक्षा चिन्ताको ठीकसँग सम्बोधन गरिएको छ कि छैन भन्ने बारेमा जाँच गरिरहेको जनाएको थियो । यसलगत्तै मस्कको चीन भ्रमण गएका हुन् । 

एनएचटीएसएले भनेको थियो, “पहिला नै यदि गाडी अटो ड्राइभिङमा छ भने ड्राइभरलाई सडकमा ध्यान दिइरहनु जरूरी हुन्छ । तर, जुन कारको दुर्घटना भयो त्यसमा ड्राइभर प्रत्यक्ष रुपमा फोकस थिएनन् ।  दुर्घटना हुनुमा टेस्लाको सफ्टवेयरको जिम्मेवारी हो कि ड्राइभरले ध्यान नदिनुमा ? र, अटो ड्राइभिङको मोड उचित परिस्थिति जस्तो हाइवेमा गाडी चलाएपछि नै लागू गरियोस् ।’

मस्कले दाबी गरेका थिए कि टेस्ला रोबोटिक्ससको रूपमा काम गर्न समक्ष हुनेछ । २०१५ मा उनले टेस्ला कार २०१८ सम्ममा फुल अटोनोमीमा जानेछ भनेका थिए भने २०१९मा फेरि  उनले  आगामी वर्षबाट सो कम्पनी रोबोटिक्सबाट अपरेट हुने जनाएका थिए । यो महिना उनले अगस्टमा कम्पनीले रोबोटिक्समा जाने बताएका छन् । 

मुस्किलमा टेस्ला

संसारभर इलेक्ट्रिकवाहनको घट्दो माग र सस्तो चीनको निर्मातासँगको प्रतिस्पर्धाका कारण टेस्लाको सेयरको मूल्य घट्न पुगेको छ । आलोचकहरू मस्कमाथि सेयरको मूल्य बढाउनको लागि फुल अटोनोमी ड्राइभिङको सम्भावनालाई लगातार बढावा दिने काम गरिरहेको आरोप लगाइरहेका छन् । मस्कले भने सो आरोपको खण्डन गर्दै अस्वीकार गरेका छन् । उनी टेस्लाको माग बढाउनको लागि चीन र अन्य बजारमा आफ्नो कारको मूल्य घटाइरहेका छन् । मस्कले हालै एक्समा लेखेका थिए, ‘उत्पादन र मागलाई समान गर्नका लागि टेस्लाको मूल्यमा बारम्बार परिवर्तन गर्नु जरूरी रहेको छ ।’

यो वर्ष मात्रै तीन महिनाको अन्तरमा टेस्लाको अटोमोटिव बिक्रीमा १३ प्रतिशतले कमी आएको थियो  । यो बिक्री १७ दशमलब ३ अर्ब डलरले ओरालो लागेर १३ दशमलब ७ अर्ब डलर भएको छ । टेस्लाको पूरै वर्षको  कुरा गर्दा त्यसमा ९ प्रतिशतको कमी आएको छ । २०२४मा यसको सेयरको मूल्य ३२ प्रतिशत कमी आएको छ ।

यही अप्रिलमा एलन मस्क भारत जान सक्ने र उनले इलेक्ट्रिक सवारीसाधन बनाउने उद्योगमा लगानीको घोषणा गर्ने चर्चा भएको छ । बीबीसी