काठमाडौं । प्रदेशसभाअन्तर्गत बझाङ १ क को उपनिर्वाचनको मतगणना जारी छ । पछिल्लो तथ्यांकअनुसार पहिलो र दोस्रो स्थानमा रहेका उमेदवार बीच कडा प्रतिस्पर्धा देखिएको छ ।

पछिल्लो तथ्यांकअनुसार यहाँ ८८ मतको झिनो अन्तर छ । नेकपा एमाले यहाँ पहिलो स्थानमा छ । एमाले उमेदवार दमनबहादुर भण्डारीले चार हजार ६६८ मत प्राप्त गरेका छन् । यस्तै, कांग्रेस उमेदवार अभिषेकबहादुर सिंहले चार हजार ५८० मत पाएका छन् ।

यहाँ नेकपा माओवादी केन्द्रका उमेदवार जनकबहादुर बुढाले दुई हजार ४४२ मत ल्याउँदा नेकपा एसका दिलबहादुर सिंहले एक हजार ६५८ मत पाएका छन् ।